計劃兩年後生BB,前TVB花旦考慮雪卵做後備:到有困難先用呢個

前TVB花旦茍蕓慧喺舊年嘅時候,與富貴男友陸漢洋喺加拿大注冊結婚,不過傾起當時與老公喺賽車場訂情,茍蕓慧直言當時從未諗過對方會突然間喺其人生中出現。

緣份就系咁神奇,原來當年茍蕓慧因為甲狀腺出現問題而減產,身體健康狀況出現問題,導致工作量減少少,一心只希望快啲康復同恢復工作量,然而就喺其事業生涯嘅低谷期,就遇上老公陸漢洋。

茍蕓慧更表示一開始以為對方係司機,佢話:「佢自己話I’m a driver,我就問佢Uber定Taxi羅!後尾到拍拖佢話一直想更正返嚟,我覺得呢個系一個美麗誤會,諗起都好好笑,其實同埋佢一段時間,覺得佢都改變我,令我變得堅強,以前我唔知自己系度做緊咩,而家就會專心做。」

雖然結婚時間冇幾耐,但系自從兩人修成正果之後,就周時被「催生」,曾經喺公開場合表示自己好鐘意細路仔嘅茍蕓慧,對于造人計劃都有自己嘅諗法。

佢話:「計劃想兩年後,而家結婚半年,老公性格好似小朋友,應該未有有心理準備做老竇,但照顧我都OK。(有冇諗過雪卵)有去做過資詢,有做檢查,但要揾時間打針,我哋呢樣嘢系Openmind,覺得趁年紀最精壯時去做好D,如果自然可以有BB就自然,到有困難先用雪卵,但最近一直有嘢做。」 最後都係希望茍蕓慧可以早日傳出好消息啦,祝福祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。