陳冠希「未老先衰」,滿面墨屎殘爆玩直播!

藝人要靠樣搵食,上鏡前例牌執到正,而大部分男藝人都特別襟老,不過現年39歲嘅陳冠希同多年死敵余文樂一樣,成家立室之後「昔日男神」竟然變成「今日中老」,余文樂滿面白須加個大肚腩。

至於陳冠希亦不遑多讓,較早時佢喺社交平臺貼出一家三口溫馨合照,不過網民焦點反而落喺陳冠希嘅魚尾紋上,昔日萬人迷未到40歲已經變成「今日中老」。

雖然陳冠希畀網民嘲笑似大叔,不過佢對自己形象似乎唔太介懷,日前佢喺社交平臺做直播,見到佢滿面墨屎同鬚根,顯得佢好殘。

昔日青靚白凈嘅陳冠希已經不存在,有網民留言唔認得佢,有人就笑指陳冠希同余文樂昔日為爭女爭風呷醋,估唔到咁多年之後,佢哋連外型都巧合噉「未老先衰」。

Like MisshkNews Facebook!不出门也能知天下事~

發佈回覆

你的電郵地址並不會被公開。