黃韻詩同李司棋斗咗足足幾十年,今日重現江湖!

「大契」李司棋喺社交平臺一向都好活躍,今日佢喺網上曬出與相識多年嘅好友聚會,呢班就系舊日麗的映聲(1973年改名麗的電視)演員訓練班嘅好拍檔!

合照中見到謝月美、張偉盈、鍾楚蓮同黃韻詩,當中嘅亮點莫過於退出幕前嘅黃韻詩。

本身IQ高、轉數嘅快黃韻詩憑住生鬼口才加出色演技,令觀眾留低深刻印象,佢拍嘅電影《92黑玫瑰對黑玫瑰》飾演艷芬。

《賭俠2之上海灘賭聖》飾演川島芳子。

同電視劇《執到寶》飾演阿琴都成為香港人嘅集體回憶、觀眾心目中嘅經典作品。

《92黑玫瑰對黑玫瑰》黃韻詩飾演黑玫瑰傳人艷芬,與梁家輝合唱《舊歡如夢》。

而1980年劇集《山水有相逢》,李司棋飾演嘅“梅妹”同黃韻詩飾演嘅“梅劍仙”,兩師姊妹為咗情同利反面,斗足幾十年,對白精警、演技出色,成為神劇!

李司棋曾經表示每年都會相約,已移居加拿大嘅黃韻詩飲茶見面,曾經多次嘍對方拍戲,不過黃韻詩樂于自在,同老公周圍去旅行,所以唔會再復出。好多網民話見到佢哋,舊日回憶即時涌現。

發表回覆

你的電郵地址並不會被公開。 必要欄位標記為 *