2020港姐黑歷史一籮籮,做過小三再畀爆…

2020年香港小姐競選經過兩輪淘汰之後,十六強順利誕生,而隨著入圍佳麗名單公佈,一眾佳麗即時畀網民極速起底,當中仲有唔少大熱門畀人狂爆黑歷史。

現年23歲嘅陳楨怡擁有一米七身高,加埋模特兒身形,以及四十二吋長腿,唔怪得畀網民視為呢屆嘅三甲大熱。

陳楨怡卻畀舊同學爆料指私生活唔檢點,讀書嗰陣爛玩爛蒲仲成日收兵,更同「TVB小花」戴祖儀嘅前度拍拖,惹來搶人男友嘅疑云。

另外一位佳麗陳煦凝,佢身高雖然得一米六,但勝在五官標緻、身材玲瓏浮凸,同樣畀網民視為三甲之一。

爆料者指,昔日後生細女嘅陳煦凝,已經係出名嘅私影模特兒,并活躍于動漫cosplay界,幾年前佢仲為一本叫《私圖》嘅寫真集,著上白色底褲拍封面。

之後,陳煦凝再畀爆出曾經改名陳紫瑩,又喺一間本地電競公司做過,疑似同身家過億嘅富三代兼電競公司老板鍾培生拍拖。

另外,爆料者指陳煦凝平日周身名牌,帶幾十萬嘅勞力士手錶,形容佢收入同職位唔相稱,對于各種指控,陳煦凝解釋自己係一個理財策劃顧問,經濟好時月薪達八萬,而且為咗選美而放棄高薪厚職,又否識鍾培生。

網上公開陳煦凝讀書嗰陣嘅相作對比,究竟有冇整容,可能就當事人知道啦。

Like MisshkNews Facebook!不出门也能知天下事~

發佈回覆

你的電郵地址並不會被公開。