2021香港小姐大起底,高質參賽者逐個睇

《2021香港小姐競選》無懼疫情喺(6月10日)舉行首輪面試,今年參賽者質素明顯較往年高質,當中有仙氣女神、星二代、人氣KOL同埋模特兒,快啲睇下邊個係你心水!

現年26歲嘅陳圣瑜,佢有人稱「理大吳千語」,佢一亮相香港小姐2021面試就畀傳媒公認為大熱門之一,現場記者話佢係翻版「天王嫂方媛」。Instagram:@yvette.cc

陳圣瑜而家係自由媒體人,亦兼職做模特兒,未出道已經有唔少粉絲,粉絲入面有唔少藝人明星,好似2018年港姐冠軍陳曉華、陳楨怡同蔡嘉欣等。

2021香港小姐面試當日另一焦點就係25歲嘅王婳婳,見到佢黑色Deep V裙上陣,現場記者激讚佢笑容甜美、談吐大方,更稱呼佢係「翻版吳謹言」。Instagram:@ huahuaanna

王婳婳表示呢次係專登從加拿大返香港參選港姐,宜家仲係學生,喺浸會大學修讀傳理系碩士,未出道宜家人氣爆棚。

2021香港小姐面試當日最矚目嘅可算係關禮傑26歲大女兒關楓馨,被譽為「最索星二代」嘅佢,早就想進去娛樂圈,喺2016年曾經參選過香港小姐,可惜落選。Instagram:@tiffanyfabi

關楓馨後來喺英國大學碩士畢業後,到澳洲工作假期一年,最近喺疫市下創業開網店賣純素甜品Eat With Fabi。據悉呢次參選由朋友提名,父母都十分支持。

2021香港小姐面試當日嘅焦點靚女仲有呢位24歲余詠童,記者讚佢似馮盈盈同湯洛雯混合版。Instagram:@rb_trixie

余詠童畢業於聖彼得堡國立藝術設計大學,亦都係一位網紅KOL,佢同哥哥一齊開設「散敍 • 俄羅斯 Marco & Trixie」IG同YouTube頻道,分享留學俄國的點滴。

另一個被現場記者公認靚女嘅係23歲梁允瑜。Instagram:@cl.chloee

梁允瑜表示舊年於城市大學畢業,據IG資料顯示佢係一位兼職模特兒,面試當日佢著住貼身低胸裙,記者讚佢身材修長,比例十分好,與前港姐冠軍張名雅有幾分相似。

芳齡23歲嘅王俊雅係一位學生,亦係演員同模特兒。Instagram:@ nataliewcn

王俊雅曾經拍攝過ViuTV嘅《YOLO的練習曲》,飾演YOLO其中一名成員,呢次過檔大台唔知道可唔可以闖出一片天呢?

25歲的朱婉彤樣子甜美,佢報稱喺建築設計公司工作,亦都係一個YouTuber,設有「婉彤 cherrychu」旅遊頻道。Instagram:@ cherriichu


朱婉彤嘅IG頻道就好似千千萬萬個香港女生一樣,都係記錄精彩生活嘅點點滴滴。

另一位獲現場記者盛讚外貌清純嘅Carina Leung,被稱有楊采妮影子,不過背景資料有待補充。Instagram:@ carinaleung_

芸芸介紹美女中,Carina Leung嘅IG最具素人質感,存在感有待增加,但勝在人靚風景靚,照片都拍得很具網紅水準。

22歲嘅朱綽盈啱啱喺香港大學法律系畢業,由資深傳媒人黃桂林提名參選,2018年時曾參選「亞洲太平洋國際小姐」。Instagram:@ kimberliekcy

受訪嗰陣朱綽盈話,希望藉著港姐身分,為長者同埋兒童帶來更多關注和幫助。有善心,祝你入圍!

現年23歲嘅陳渝沁,報稱任職教學助理,笑起身十分甜,似足鄰家女孩。Instagram:@ cyt_yutsam

另一位笑起身非常甜嘅係19歲霍穎璇,佢係學生同埋模特兒,生得非常可愛,從IG嘅人氣可見,佢係男生鐘意嘅類型。Instagram:@ brontefws

最後生嘅參賽者係著白色連身裙到場、現年17歲嘅UKei,勝在夠青春,不過從IG入面的圖可見,佢修圖太大,幾乎變成另外一個人。Instagram:@ u_keik

Like MisshkNews Facebook!不出门也能知天下事~

發佈回覆

你的電郵地址並不會被公開。