25歲港姐正式「封盤」，大曬巨型鉆戒放閃

喺2020年度香港小姐競選當中攞到「友誼小姐」嘅鄺美璇（Maisie），呢日喺社交平臺分享好消息，佢話已經接受咗另一半嘅求婚成為準人妻，認真可喜可賀。

見到鄺美璇手上戴住巨型鉆戒之外，仲留言話：「I said YAAAAAAASSSSSSS！Here’s tolove，laughter and happily ever after！（我願意，此後永遠有愛、歡笑同埋開心）」

不過鄺美璇好低調，未有公開另一半嘅容貌，而同屆港姐謝嘉怡、陳楨怡同埋郭柏妍都有紛紛留言戥佢開心，佢亦逐一答謝大家嘅恭賀，洋溢住幸福嘅氛圍。

其實鄺美璇早喺7月嗰陣，曬出過喺五星級酒店拍攝嘅婚紗相，見到佢戴上皇冠十足十女皇一樣，睇嚟未來老公錫到佢燶！

另外，鄺美璇早喺卸位前已經揚言唔會簽約，決定轉投金融事業，諗唔到轉行冇幾耐就遇到真愛，真係恭喜恭喜！