TVB小生唔考慮同緋聞女友發展戀情，但希望繼續情侶檔搵錢

「TVB小生」陳家樂呢排出席活動，受訪時佢否認夜訪緋聞女友陳瀅寓所，佢話當日只係去探一位圈外朋友，對方啱啱同陳瀅住同一屋苑。

陳家樂強調：“我同陳瀅係好朋友，但我哋真唔係拍拖，更加唔係同居。”

問到同陳瀅有無發展可能，陳家樂斬釘截鐵講∶“暫時唔考慮，大家都冇打算發展。（點解呢？）因為我哋都要做嘢，同時陳瀅係大家嘅女神！”雖然發展無望，陳家樂希望與陳瀅再組情侶檔做嘢，希望對方唔抗拒。

陳家樂呢排畀傳媒發現與陳瀅喺中環撐臺腳食飯，食完飯陳瀅更親自揸跑車，與陳家樂一齊返屋企，令呢對雙陳戀緋聞曝光。

不過陳家樂即刻向傳媒做出澄清話：“我哋冇拍拖，都冇同居，一直都係好朋友，現階段我將事業擺喺第一位，多謝大家關心。”