TVB小花為拍新劇增磅,監制直言呢個角色命水唔好:系一個挑戰

早前,TVB小花譚凱琪喺完成《降魔的2.0》嘅拍攝之後,就抽空同屋企人一齊去新加坡旅行,實行插插電,以更好嘅狀態返香港再度搏殺。

不過而家得97磅體重嘅佢,就直言此行嘅目的系要將自己食肥,佢話:「都肥咗2、3磅,我本身比較難肥,但就算而家肥,一開工,我就會突然間瘦落嚟,因為開工時食唔定時、又唔夠瞓,自然會瘦,嗰班人一見我就話『你又瘦咗!』」

據譚凱琪透露話,跟住六月中旬,將會再開拍新劇《愛美麗狂想曲》,呢次佢飾演嘅角色系一個嚟自內地嘅女子,譚凱琪就透露話:「我呢個角色唔系乖乖女,之前我都好少做呢類角色。」

而呢部劇嘅監制就表示,譚凱琪喺劇中嘅角色會比較悲慘:「總之命運唔系咁好,浪漫之中帶一啲悲慘,對佢嚟講呢次都系一個挑戰嚟嘅!」

1981年出世嘅譚凱琪,喺小學嗰陣父母離異,自此同阿媽一齊生活嘅佢,曾經去日本讀書,同時佢都系日本音樂家小室哲哉嘅弟子之一,曾經去東京受訓嘅佢,推出過首張唱片,不過因為語言嘅限制,譚凱琪嘅曝光機會越嚟越少。

後尾返香港之後,譚凱琪就恢復幕前演出,期間佢曾經加盟過有線電視,不過直喺2013年嘅時候,佢就轉投TVB,繼續發展其演藝事業。

備受賞識嘅佢都喺多套電視劇集中有份演出,比如《我們的天空》、《鬼同你OT》、《EU超時空任務》、《城寨英雄》、《不懂撒嬌的女人》、《踩過界》、《誇世代》、《平安穀之詭穀傳說》、《大帥哥》等。

而佢喺《大帥哥》中首次飾演反派角色「葉天嬌」人氣急升,更大批觀眾支持。

據悉,喺跟住落嚟嘅新劇《金宵大廈》、《過街英雄》、《包青天再起風云》中譚凱琪同樣有份演出,唔知到時佢又會畀我哋帶嚟點精彩噶演出呢?大家不妨一齊拭目以待!

發表回覆

你的電郵地址並不會被公開。 必要欄位標記為 *