前港姐舊年含淚分手,回應舊愛疑結新歡睇日落

前港姐馮盈盈喺舊年年底突然含淚宣佈,同醫生男友Martin鐘文浩(昵稱寶寶)分手,結束四年情,兩個人更將位于何文田嘅愛巢極速放租!

雖然馮盈盈佢哋睇似想盡快撇清關係,但喺情人節前夕畀爆出一齊撐枱腳,又傳出佢哋轉玩地下情。

對此,馮盈盈強調絕無復合,更加喺《#後生仔傾吓偈》中大玩盈盈單身派對,搵嚟余德丞、丁子朗、鄭衍峰以及一眾小鮮肉。

而舊愛Martin日前就畀影到同一個長發女子喺下白泥一齊欣賞日落,疑似極速戀上新歡,女方更著上一字膊緊身露肩裝,盡顯身材。

馮盈盈回應:「我冇留意呢單新聞,亦唔清楚Martin感情情況同所謂新歡嘅身份,不過我哋已經分手,佢去結識異性,同女仔出街都好正常。如果佢開心,我梗係會祝福佢哋。」

馮盈盈仲話:「其實佢唔係圈內人,同朋友出街都要畀咁多人留意,承受好多壓力實在唔易,我希望大家可以畀佢私人空間。多謝。」

Like MisshkNews Facebook!不出门也能知天下事~

發表回覆

你的電郵地址並不會被公開。